mohamed gamal
نائب المدير العام
الجنس :  عدد الرسائل : 473
العمر : 34
السٌّمعَة : 0
تاريخ التسجيل : 06/07/2007
بطاقة الشخصية
المدير العام للمنتدي:
 | | موضوع: قصة البقرة الشقية اللي دبحها أحمد حسن فى غانا الجمعة 05 يونيو 2009, 7:20 pm | |
| ناس كتير بتسأل ايه حكاية منتخب مصر والبقرة وبم اني ليا علاقة ببعض لاعيبة منتخب مصر و لا داعي لذكر الأسماء هحكيلكم القصة بكل تفاصيلها صلوا علي النبي حكاية البقرة دي حكاية ليها العجب آل ايه المنتخب المصري قرر يشتري عجل ويدبحه ويفرق لحمة علي الغلابة في غانا أعد الفريق في صالة الاجتماعات وبدأوا يفكروا هيعملوا ايه ابو تريكة قال كل لاعب يتبرع بفلوس علشان نشتري العجل كل لاعب طلع اللي فيه النصيب وحطها في المنديل اللي عدي بيه احمد حسن علي اللاعبين وفي لاعيبة قالت معناش فكة كالعادة لموا تمن العجل وبدأ كل واحد يقول انا هروح اشتري العجل من سوق المواشي في أكرا (سوق الجمعة بتاع غانا) اللعيبة اتخانقت وكل لاعب بدأ يعلي صوته ويقول انا اللي هشتري العجل شكلهم كدا كانوا عايزين يسمسروا من الفلوس المهم طلع متعب بما إنه بيعتبر شحاتة ابوه و بيمصلح من وراه إن بيديلو فرصته كاملة و قال المفروض الكبير بتاعنا اللي هو كابتن حسن هو اللي يروح يجيب العجل واتفق بعدها كل اللاعيبة علي كدا اخد حسن شحاته الفلوس وراح واخد معاه شوقي غريب وحمادة صدقي وطلعوا علي سوق قريب من الفندق في كوماسي نقوا عربية نص نقل عفية موديل 76 ماتشوبيسي لانسرواتفقوا مع السواق يطلع بيهم سوق المواشي اللي في اكرا ب 500 دولار رايح و500 جاي السواق طلع زكي و عرف هما مين و شكلهم سياح و غرب عن البلد و كيسهم مليان قالهم 600 رايح و 800 جاي عشان هشيل العجل و انا جاي في العربية و العربية هتتوسخ كلمة من هنا كلمة من هناك المهم مطلعوش من الراجل في الأخر غير ب100 دولار تخفيضوصلوا السوق نزل الكابتن حسن شحاته هو ورجالته وقعدوا يتمشوا في السوق يقلبوا في البقر و يشوفو كاسر سنان و لا لأ لحد ما شوقي غريب قال ياكابتن حسن البقرة اللي مع الراجل اللي واقف هناك ده شكلها كويسة وبنت ناس اية رايك ناخدها يا كابتن حسن قاله تعالي طيب نبص عليها ونعاينها و نحط التكتيك المناسب لشراء هذه البقرة الممتازةلما عجبتهم بدأ حسن شحاته يسأل الراجل صاحبها بكام هذه البقرة يا رياسة قالة 10000 دولار ياباشا دخل شوقي وقالة ودي توزن كام كيلو ياريس رد وقالة دي حوالي 100 كيلو ياباشا رد حسن شحاته قالة يعني الكيلو ب 100 دولار ليه ياعم دا عندنا الكندوز ب 40 جنيه بس عمار يامصر والله صدقي قاله ياريس تخلص ب 40دولار و عالبركة؟ كلمة من هنا علي كلمة من هناك اتفقوا علي تخليصها ب 50 دولار حمل حسن شحاته البقرة علي العربية النقل ودفع للراجل السواق الدولارات ورجع علي كوماسي وكانت اللاعيبة بتتمرن في الملعب دخل السواق بالعربية لأرض الملعب واتلم اللاعيبة حوالين العربية يتفرجوا علي البقرة اللي متحملة علي ضهر العربية حسن شحاته نزل وقال يلا يارجالة ننزل البقرة بطريقة4-4-2بدأ يصتفوا عشان يبدأوا المعركة و فتحوا للبقرة الباب الخلفي وفكوا الحبل وبدأت تنزل من علي العربية بعد ما نزلت البقرة شافت وائل جمعة في ايده سكينه وبيقول مش هتعدي منيالبقرة اتخضت وطلعت تجري وفي سكتها نطحت ابراهيم سعيد بأرنها جابته ارضا طلعت اللاعيبة تجري ورا البقرا احمد حسن حلق يا زيدان زيدان جري بمهارته لمح متعبزيدان امسك الحبل يا متعب عمرو ذكي قفل الطريق و قام بدوره الدفاعي علي أكمل وجه مش بس كده ده انطلق بيها للأمام ووصلها لحد الجون البقرة دخلت الجون ووقفت تبص للاعبين شذرا دخل الحضري[ندعوك للتسجيل في المنتدى أو التعريف بنفسك لمعاينة هذه الصورة]واتعلق في العارضة اللي فوق ومسك الحبل وربطه في القائم اليمين اتلم اللاعبين وكتفوا البقرة وربطو رجليها الاربعة في بعض والبقرة تصوتالمهم قامت رفصاهم و فكت الربطةجري تريكة و بص نحية اليمين و قال اوعي ياض البقرة بصت راح بمهارته ربط بسرعة حراااااااااااااااااااااااااااام عليك يا تريكة سيبني أبداً دخل أحمد حسن عليها بكل إندفاعه الهجومي و هي دي فايدة المنطلقين من الخلف للأماموفي ايدة سكينة عامل فيها بوحة الصباح وسالها نفسك في ايه قبل ما تموتي قالتله نفسي اشوف لاعيبة الكاميرون شايلة كاس الامم 2008 رد عليها وقالها يبقي هتموتي زعلانة مفيش املوخرج من الجون وفي ايده راس البقرةو دي لحظات الحدث لحظة لحظةاللاعيبة فرحت و راح أحمد فتحي قالهم لازم نسجد سجدة شكرالمهم سجدوا[ندعوك للتسجيل في المنتدى أو التعريف بنفسك لمعاينة هذه الصورة]وهللوا الله اكبر و جري عمرو زكي عند الكورنر هو و شوقي و عملوا فيها طرظان[ندعوك للتسجيل في المنتدى أو التعريف بنفسك لمعاينة هذه الصورة]وتم توزيع لحم البقرة علي الفقراء و في النهاية سلام كبير للجذارين المصرييناللى ربنا وفقهم في ذبح الكاميرونيين | |
|
mohamed gamal
نائب المدير العام
الجنس : عدد الرسائل : 473
العمر : 34
السٌّمعَة : 0
تاريخ التسجيل : 06/07/2007
بطاقة الشخصية
المدير العام للمنتدي:
| | موضوع: رد: قصة البقرة الشقية اللي دبحها أحمد حسن فى غانا الثلاثاء 25 أغسطس 2009, 2:04 am | |
| | |
|
mohamed gamal
نائب المدير العام
الجنس : عدد الرسائل : 473
العمر : 34
السٌّمعَة : 0
تاريخ التسجيل : 06/07/2007
بطاقة الشخصية
المدير العام للمنتدي:
| | موضوع: رد: قصة البقرة الشقية اللي دبحها أحمد حسن فى غانا الثلاثاء 25 أغسطس 2009, 2:08 am | |
| | |
|
